مين
مين يداوى لى جروحى
لما عن فكرى تروحى
مين ياخدنى فى حضن دافى
حضن فى اعماقه صافى
مين يطيب خاطرى مين
بين سهادى وبين انين
ولا مين يرحم اسايا
ده انتى افراحى وهنايا
حتى لو لحظه تغيبى القى اطيافك معايا
مين يحسسنى بامان ولا مين يسعد فؤادى
وانتى عشقى من زمان وانتى امالى ومرادى
مستحيل احب غيرك ده انتى حب العمر كله
وانا فى العشق اسيرك وانتى منبع للحنان
ماتخافيش لو غيبتى عنى ده انتى ساكنه فى العروق
حتى لو الشوق واجعنى راح يطيب ويا الشروق
ده انتى الحانى وغنايا وانتى ازهارى وورودى
امتى هاتكونى معايا ولا امتى راح تعود
شعر احمد اسماعيل \شاعر العرب
ليست هناك تعليقات:
إرسال تعليق