مجلة نبرة قلم الإلكترونية

اعزف ياناي
ـــــــــــــــــــــ
للمبدع 
محمود مسعود





صوتك الشاحب
وأنينك المكتوم
مع ضوء القمر...
بيزلزل كياني
اعزف ياناي
اعزف
سمعني أشجانك
سمعني صوت
أحلامي
سمعني آلامي
علي وجع مكتوب
جوه سطور حياتي
ع الأمل الممنوع
علي صرخة الجوع
في عيون الأطفال
ع الحرمان
في حياة الشباب
علي بكرة الخايف
يكون كابوس
فوق الشفايف
اعزف واشجيني
وهز كمان في كياني
صحصحني ياناي
من عز أوهامي
أنا ياما قاسيت
علي صوتك بكيت
سنيني وأيامي
علي غدر الأصحاب
علي هجر الأحباب
ع الدنيا الفانية
علي كل الجراح
ياخسارة اللي راح ...!!!
كنت فاكر إني وحدي
أقاسي مرارة وجدي
لكن صوتك ياناي صريح
يجمع كل المجاريح
في ليل الوجع
ـــــــــــــــــــــــــــــــــــــــــــــــــ
شعر / محمود مسعود ( عامي ) 14/3/2016م