* تخـبـّى بعيوني : ،،،، شعر باللهجة السورية العامية . بقلم المبدعة
الشاعرة / مريم كباش
،،،،،
تخبّى بعيوني .. تخبّى
ياعشقي الأجمل والأحلى
رَحْ غَنِّي كرمالْ عيونكْ
قلبي غيركْ ما استحلا
يا آخد منّي عقلاتي
وسارق كل تَكّهْ بنبضاتي
ياسرّ الفرحه بحياتي
انت عندي حبيبي الأغلى
لو لفيت العالم كلّو
اسمك عا شْفافي بيضلّو
غناني حلوه وما بيملّو
للدنيي يحكي عنك ويقلّا
وحدك أنت نور عيوني
غامرني فضلك وممنونهْ
حضنك .. روحي بترتحلا
لايهمّك خاين .. ولا غدّارْ
عشاقك ياوطني كتارْ
وبهمّة جيشك هالمغوارْ
وحروف الشرفا تحمي الدّارْ
نصرك ياوطني رح يعلا
نحنا حلمكْ .. ونحنا ناسكْ
نحنا أملك ... ومحبتنا أساسك
وياويلو .. لو غادر .. داسكْ
أو حاولْ يلمسْ شعره من راسكْ
إيدوا منقطعها .. ومنغلّا
سوريهْ .. ياأمّ الكلّ
بكرى الأحلى علينا يطلْ
والجوري يزهر والفلْ
والياسمينة بعطرا تهل
والفرحهْ واللّه بتلبقلا
بقلبي وبعيوني تخبى
وطني يامحبوبي الأغلى
نصرك جايه .. والله جايه
وبكرى أحلى ..
والله أحلى .
. .
............................................... مريم كباش ..
ليست هناك تعليقات:
إرسال تعليق