عنوان القصيده/مش عرفانى
انا تايها ولا عارفه
حياتى لفين وخدانى
عايشه فى الحياه ضايعه
وبتقتلنى احزانى
افرح من القلوب ملاين
وقلوبهم قاصده تنسانى
بتقتلنى وتكسرنى
وهتموتنى احزانى
طريق ضايع ولا شايفه
فرحه تعيشنى من تانى
سواد اكتر قلوب تغدر
ودنيا قويه كسرانى
اقو هقدر واعيش افضل
اعافر فيها من تانى
وتهزمنى وتازينى ولا مره
دى رحمانى
اعانى اكتر ويوم ما افرح
الفرحه تمشي فى ثوانى
الغدر بان من كل الناس
قلوبهم قاسيه يازمانى
انا مين وقلبي حزين
مرايتى ملتها احزانى
ادور على نفسي جواها
ولا مره بلقانى
كانى حاجه منسيه
ملامحى مش مطبقانى
حظ اسود وفرحى قليل
وقليل الحيله بيعانى
ولا بيقدر يعيش اصلا
ولا يعرف يقول تانى
انا هفرح وبكره انجح
وهغلب كل احزانى
انا بسال عنى زمان
انا حتى ناسيانى
طب مين انا وفين عايشه
ناسيه حتى عنوانى
لا ليا حد يشبهنى
ولا ملامحى مطبقانى
مش عرفانى /بقلمى صفاء شوقى
ليست هناك تعليقات:
إرسال تعليق