صورة بقلم الاستاذ عوني هشام

صوره
======
شفت صوره
حلوه جاتنى ف المنام
بنت بيضه 
تقول دا بدر بالتمام

تهت انا واحترت فيها
رحت ليها
جاتنى هيا
بضحكه وبأحلى الكلام

سمعت منها كان بهمس
وفيه سلام
رديت عليها بكل شوق
مليان غرام

غمزت عنيها تهت فيها
نزلت بحر
موجه عالى غرقت انا
على طول اوام

الحواجب
مكنتش حاجب
والرمش دا
تقول سهام

اغرق اعوم
ارجع اقوم
عدت ساعات
ما اعرفش كام

اعطتنى قبله
فيها الحياه
دقت الشفايف
رجعت انام

مديت ايديا مسكت ايديها
من نظره واحده تهت بعنيها
خدتنى حضن
كله انسجام

الشعر اصفر
بطاقيه سوده
ياريت بعوده
تيجى فى المنام

تسهر معايا
تلمس هوايا
بالهمس نحكى
من غير كلام

صحيت وراحت
كان نفسى تفضل
ماقدرت اقول
غير السلام
=========
‫#‏عونى_هشام‬