خاطرة / لملم جراحك
بقلمي /حسن الأقصري
""""""""""""""""""""""""""""""
وبتحسبيني
في الحياه عايش
إيه الدليل
هو نفس طالع
والظهر محني
من همه التقيل
هي ساعات بتمر
من مر للي أمر
ودموع تشق بحور
ترسم سطور متعرجه
علي خدود الحر
وكل حلم حلمت بيه
طيف وسحاب قدام
عيوني كان يمر
وهم وخداع
وفكل مره ألملم الاوجاع
وأرجع لاول سطر
بتخدعيني الف مره
وبتوهميني بعيشه حره
وبتسجنيني سنين عجاف
وتدبحيني بدمعه مره
بتحسبيني اني حخاف
ونسيتي إني
من صدر أمي
رضعت قهر
لا مش بخاف
الخوف ده كلمه
منقوشه ف كتابي
ف كل سطر
وفكل طرفه من رموشي
وكل ثانيه من حياتي
كان يمر
روح إسألي الليل إلي كان
دايمٱ ونيسي
روح إسألي الحزن إلي كان
دايمآ جليسي
فيكي يادنيا الشهد
أصبح مر
إيه دليلك إني عايش
الفرحه معدومه
والضحكه مكتومه
جسمي هزيل
تمثال نحيل
ومحنطينه صبر
معدش شيئ منه أخاف
أخاف علي بيتي
الي هو مش بيتي
إلي تحول قبر
اصدق مين
أمي تقولي بيت جدودك
وابوي قال متأجرين
واخويا بيقول إنه باعوا
علشان يجبلك لقمتين
متغمزين المر
طب هما فين
طب ع الأقل كان سد
جوع الخاويين
إلي معادش ينفع معاهم صبر
ابويا قالها من سنين
لا مفيش
واجيب منين علشان تعيش
لازم نسلم نفسنا للفقر
امي بتشحت م الجيران
وبيت الكرم اصبح جعان
وانا إلي طول العمر
بيتي ملاذ المحتاجين
كل الغلابه إلي إغتنوا
من مص دمي من سنين
نسيوا سنين الفقر
نسيوا إلي فات
وفضلت عايش عالفتات
العيشه خل
وبع عز شبعت ذل
أروح لمين
لما ألأسد يصبح أسير
عند إلي كان راعي حمير
عند الامير
مش هي دي سنة حياه
حامي الحما يصبح اسير
عند الحفاه عند العراه
صبحوا رجال
وبيشتروني بالدينار وبالريال
بتبيعني ليه يابا
لأشباه الرجال
نسيوا إلي فات لما بقوا
اصحاب مصانع وعمارات
اصحاب قصور
اصحاب تحف وإكسسورات
وفضلت انا عامل اجير
وأمد إيدي وأقوله هات
حقي عليك
ولا انت ناكر للي فات
يقولي حقك يابني مات
أترجي فيه
لجن الاخوه لقمتين
يرد يقول أخوة إيه
دانت حقير
آخرك تكون عندي غفير
فرشك تراب من غير سرير
وخساره فيك حتي الحصير
اخوة إيه
إنتوا أخوات متفرقين
اختك بتخدم ف القصور
وأخوك بينحت ف الصخور
والباقي واقف في الطابور
وابوك بيرهن بأرضكم
وقبض تمنكم من سنين
متفرقين. !!!
ركبت فوق الريح
قوام علي بلدي جريت
ألاقي أمي بالسواد
واقفه بباب البيت
صرخت يما إيه جري
لما سافرت سبتك غزال
متحنيه ومشيت
قالتلي سافر ياحسن
ارجع قوام مكان ماجيت
لا الأرض سارت أرضنا
ولا لك مكان ف البيت
اكبر خواتك معتقل
وواحد إتصاب بالخبل
قلبي خلاص مليان علل
إلي قتل ولي إتقتل
بإيدين أخوه
وبدم بارد
يصرخ يقول
انا البطل انا البطل
ليه الميزان صابه الخلل
رديت وقلت ابويا فين
يمكن يكون هو الامل
ردت ابوك باعنا خلاص
سابنا ونايم في العسل
يما قوليلي إيه حصل
ولا أنتو مين
لعنه صابتنا
ولا جايز محسودين
طول عمرنا متجمعين
من بطن واحد مولودين
ياما محن مرت علينا
ولا عمرها كانت بتفرق
إن كنت أحمد ولا مينا
وفكل محنه بيلمع
الأصل إلي فينا
لو يوم نغيب أو نفترق
بإشاره واحده ترجعينا
ولا أحنا ضلينا المسير
(حسن اللأقصري)
بقلمي /حسن الأقصري
""""""""""""""""""""""""""""""
وبتحسبيني
في الحياه عايش
إيه الدليل
هو نفس طالع
والظهر محني
من همه التقيل
هي ساعات بتمر
من مر للي أمر
ودموع تشق بحور
ترسم سطور متعرجه
علي خدود الحر
وكل حلم حلمت بيه
طيف وسحاب قدام
عيوني كان يمر
وهم وخداع
وفكل مره ألملم الاوجاع
وأرجع لاول سطر
بتخدعيني الف مره
وبتوهميني بعيشه حره
وبتسجنيني سنين عجاف
وتدبحيني بدمعه مره
بتحسبيني اني حخاف
ونسيتي إني
من صدر أمي
رضعت قهر
لا مش بخاف
الخوف ده كلمه
منقوشه ف كتابي
ف كل سطر
وفكل طرفه من رموشي
وكل ثانيه من حياتي
كان يمر
روح إسألي الليل إلي كان
دايمٱ ونيسي
روح إسألي الحزن إلي كان
دايمآ جليسي
فيكي يادنيا الشهد
أصبح مر
إيه دليلك إني عايش
الفرحه معدومه
والضحكه مكتومه
جسمي هزيل
تمثال نحيل
ومحنطينه صبر
معدش شيئ منه أخاف
أخاف علي بيتي
الي هو مش بيتي
إلي تحول قبر
اصدق مين
أمي تقولي بيت جدودك
وابوي قال متأجرين
واخويا بيقول إنه باعوا
علشان يجبلك لقمتين
متغمزين المر
طب هما فين
طب ع الأقل كان سد
جوع الخاويين
إلي معادش ينفع معاهم صبر
ابويا قالها من سنين
لا مفيش
واجيب منين علشان تعيش
لازم نسلم نفسنا للفقر
امي بتشحت م الجيران
وبيت الكرم اصبح جعان
وانا إلي طول العمر
بيتي ملاذ المحتاجين
كل الغلابه إلي إغتنوا
من مص دمي من سنين
نسيوا سنين الفقر
نسيوا إلي فات
وفضلت عايش عالفتات
العيشه خل
وبع عز شبعت ذل
أروح لمين
لما ألأسد يصبح أسير
عند إلي كان راعي حمير
عند الامير
مش هي دي سنة حياه
حامي الحما يصبح اسير
عند الحفاه عند العراه
صبحوا رجال
وبيشتروني بالدينار وبالريال
بتبيعني ليه يابا
لأشباه الرجال
نسيوا إلي فات لما بقوا
اصحاب مصانع وعمارات
اصحاب قصور
اصحاب تحف وإكسسورات
وفضلت انا عامل اجير
وأمد إيدي وأقوله هات
حقي عليك
ولا انت ناكر للي فات
يقولي حقك يابني مات
أترجي فيه
لجن الاخوه لقمتين
يرد يقول أخوة إيه
دانت حقير
آخرك تكون عندي غفير
فرشك تراب من غير سرير
وخساره فيك حتي الحصير
اخوة إيه
إنتوا أخوات متفرقين
اختك بتخدم ف القصور
وأخوك بينحت ف الصخور
والباقي واقف في الطابور
وابوك بيرهن بأرضكم
وقبض تمنكم من سنين
متفرقين. !!!
ركبت فوق الريح
قوام علي بلدي جريت
ألاقي أمي بالسواد
واقفه بباب البيت
صرخت يما إيه جري
لما سافرت سبتك غزال
متحنيه ومشيت
قالتلي سافر ياحسن
ارجع قوام مكان ماجيت
لا الأرض سارت أرضنا
ولا لك مكان ف البيت
اكبر خواتك معتقل
وواحد إتصاب بالخبل
قلبي خلاص مليان علل
إلي قتل ولي إتقتل
بإيدين أخوه
وبدم بارد
يصرخ يقول
انا البطل انا البطل
ليه الميزان صابه الخلل
رديت وقلت ابويا فين
يمكن يكون هو الامل
ردت ابوك باعنا خلاص
سابنا ونايم في العسل
يما قوليلي إيه حصل
ولا أنتو مين
لعنه صابتنا
ولا جايز محسودين
طول عمرنا متجمعين
من بطن واحد مولودين
ياما محن مرت علينا
ولا عمرها كانت بتفرق
إن كنت أحمد ولا مينا
وفكل محنه بيلمع
الأصل إلي فينا
لو يوم نغيب أو نفترق
بإشاره واحده ترجعينا
ولا أحنا ضلينا المسير
(حسن اللأقصري)
ليست هناك تعليقات:
إرسال تعليق