يا شاعر يا عمي بقلم الدكتور خالد عبد الحميد خربوش

يا شاعر ياعامِّى
•••••••••••••••••••••••••••••
ياشاعر ياعامى ياعمى كفاياك
ولـمـلـم قّـصـايـدك فـارقـنـا ياذاك
ماحدِّش بيسمع ويسعد مِساك
ووفرنصايحك لمين راح يصون
***********************************
يـاشــاعــر يـاعامى ولا حــد شـــــاف
طريقـة قـرايتك قالـوا لك عـــواف
باقول لك بجُرأه وانا مش باخاف
دى ناس غاويه رغى وتفاهه وظنون
**********************************
يـاشْاعـر يـاعـامـى عـلـيـهـم تـهـون
مــاحـدِّش بـيـقــرا ولا يــحــزنــون
وتهدى قصايدك لكام من زبون
وفى الـمـفـهـومـيـه بيطلع بـدون
************************************
ياشاعر ياعامى كلامك رقيق
وكُلُّه بمشــاعرك بحق وحقيق
برغم إن ياما يقابلوه بـضـيــق
وبيقولوا عنُّه دا نوع م الجنون
************************************
يا شاعر ياعامى ياريتك غشيــم
ح تبقى ساعتها من الذوق عديم
وتـكـتـب مـكـسـر وتـكـئـب سـلْيـــم
وتلقى لسخافتك كتير معجبون
************************************
ياشاعر ياعامى لنفسك أسير
وتعمل بأصلك بصدق وضمير
على الرغم إنك بتسعى لخـيـر
وتلقى المقابل عـلـى كــل لـون
************************************
ياشاعر ياعامى باقول من سكات
تــفــارق كــتــابــتــك لــحـد الــمـــمــــات
بـتـفـرح يـاسـاذج مـن الــتــعــلـيــقـات
وكــلــه بــيــطـــلــع بــمـــيَّـــه وصــابـــون
************************************

الدكتور/خالدعبدالحميدخربوش

من ديوانى المعنون:

معنى كلمة شِعْر إيه؟!!