كل عام وأنتِ بخير .. بقلم الشاعر / حسن رزيق

الى كل الامهات في هذا العالم
       بمناسبة عيد الفطر
          شعر عامية
كل عام وانت بخير يمة
كل عام وعيون الوطن سالمة ...
ولنصر بنغني ولتحرير ...
يمة عيون الوطن حزنانة ...
وبالدمع غرقانة ...
يمة الجرح بينزف دم... صار غميق ...
وجراح الوطن شعلانة حريق ..
اغلي الطيون يمة...
ودقي البصيل ...
حطية عالجرح بيطيب ...
وامسحي بيدك دمع الوطن ...وصلي للعيد يمة ...
هيو صوت المأذن هلل...
يمة اليوم عيد ...
لا تبكي الحزن يا حنونة ...
ولادك كلهم راجعين ....
راجعين يبوسوا قدامك ...
ويتلملم شملهم ...
يمة فرحة الدار حراقة ...
وطال الغياب عنها ..
والحبايب مجتمعة بمحرابك ..
لاتحزني يا غالية ..
طرا روح الغالي ابنك معهم ..
بترفرف فوق الدار ..
وحامل معة وصية كل الشهدا ...
ظلك رافعة راسك فوق الغيم شامخة ...
لانة منشان عيونك استشهد ...
هو طير من طيور الجنة ...
وبظل يحوم حولك ...طير سنونو..
يمة البسي ثوبك الابيض ...
لانة الوطن هيك لونة .
   شعر عامية حسن زريق / فلسطين