حرامي حب بقلم الشاعر الجميل عوني هشام

حرامى حب
=======
قلبك دق وماسمعتوش
دقى وعلى الدق شويه
وصلت لقلبك ومشفتوش
زيدى معاه رقه وحنيه

اصل انا شارب كام فنكوش
عايز الدقه معاها اغنيه
قلبى وقلبك ما بيمشوش
الا بغمزة رمش قويه

عايز دق ومش مغشوش
ياما ف الحب كتير حراميه
يعمل انه ما بيهموش
ويجيب ورده بريحه نديه

يزغلل عينك بالملطوش
وياخدك فسحه بالعربيه
وقت ساعتها مين هايحوش
وتبقى فى عينه لقمه طريه

اه م الكدب جوه وحوش
اه م الخيبه وهيا قويه
بعض الناس دى لابسه وشوش
وبعض ضميره راح يا عينيه

قلبك دق وما سمعتوش
اصل انا قلبى عاش فى اسيه
شفت الحب .... وماعشتوش
عشان ف الحب كتير حراميه
======
‫#‏عونى_هشام‬