شحاد بقلم الاستاذ ماهر أبو ترابي

شحاد
شــحاد شِــفتو مهَســـتِر بحالـــو
بحجِـــةْ فقيـــر بيكسَــب بمالـــو
قاعـــد ع جَــنب الشّــارع و حَــدو
ابنـــو الي حَـــط المصـلحة ببالـو

رُحـــت و ســألتو ليـش مـا بَــــدو
يتـــرِك ظَـــناه يشـــوف أعمالــــو
و يجمَــع ع كيفـــو المـال من كـــدو
و يكبَــــر مــع الــرحـمن رِسـمالــو

قَـــلِــي أنـــا ورثـــان عَــن جِـــدو
و بَـــــدِي ع كيفــي يكـــون مـوالــو
مِــن هالعُمــر غيـر مــال شـوبدو !؟
و تبِقـــى الطـريقـة هيــك أحْــلالـو
و حتــى ان مــا بـــدو الكَـــار رح ردو
مــا رح ع طـــول السّــنين إبقــالـــو
بعـــدو ولــــد .. الدّمـــوع عَ خــــدو
بيعجَـــز عَ مســح دمـــوع لـو ســـالو

بلحظـــة كــلامـــو زاد عــن حَـــدو
و عــقلي منعنـي خُــوض بِ جْـدالـو
اضْحِكِـت و بِ سِـري بكِيـت مــن ردو
و قلــت بأســف شــو كــثار أمثالــو
بيكفــي بجـهِل يــا نــاس تِحْتَــــدوا
فيكـــن غِـــرِق هـالجيــل بِ ظـلالـو
بتبنـــو جَســــد و الــــرُوح بِتْهِـــدوا
بمَــال ال صُـــرنا نعيـــش كــرمـالـو
و بــاب الطُــفل ع الكــــون بتِْسِـــدوا
وتمســـك إيديكُــــن دوم بحبـــالـــو
بعَكسُـــو بتجـــوا مـــرات أو ضِــــدو
بيرجَـــع بَــلا العِـنبــات بســلالـــو
و يــــلـي لَ روحـــو عــاش بِتـصِــدوا
و كِــــل البشـــر بتلــــوم أفعـالـــو
و الـــي بِـــإيــدو المــال بيعِـــــدوا
كــــل البشــــر بتقـــــول نيـــالـــو
بقلمي.. ماهر أبوترابي