مصريه وليا الشرف للشاعره منى عرفه

مصرية وليا الشرف . . .

عصفورين .. واقفين ع الشجر
فرحانين .. ♡

بيزقزقوا . .
مع بعض منسجمين
منظرهم جميل .. يسر العين

من بعيد شافهم .. غراب البين

قال : مالهم
كدة دايماً .. مع بعض منسجمين
ماتعرف أن كانوا واحد
واللا إثنين !!
يالﻻ ... نفرق القلبين .... !؟

ده ... قدرك يا مصر من أعدائك

مستكثرين فرحتك
مستكثرين وطنيتك
مستكثرين انسجامك
مسلم . . مسيحي
الكل واحد .. بين أحضانك

عايزين ... يفرقوا شملنا
عايزين ... يحرقوا قلبنا
عايزين ... ينالوا مننا

أبداً .. يامصر
أبداً ...
لن ينالوا مننا
وحتفضلي يا مصر دايماً
مرفوعة الهامة
وإسمك على جبين الزمان دايماً
علامة
للصمود على المحن ...
وتقومي يا بلادي كما المارد ...
لو حد مس لنا ... طرف

يا مصر .. إسمك عنوان البطولة
والشهامة ... واﻷصالة ... والشرف
هو ده .... اللى عنك اتعرف

وانا ........ مصرية وليا الشرف .

بقلمى: منى عرفة