======= عونى هشام
حريف انا واد جدع
فى الجد ما اعرف دلع
لا احب غش الناس
ولا لى فى ضرب الودع
حريف انا واد جدع
لا عمرى كنت جبان
ولا حتى قلبى انخلع
راضى انا بقسمتى
ما عندى ابدا طمع
حريف ومش تخاريف
دى الجدعنه باصول
لا عشت يوم بالزيف
واعرف اصول القول
ما انا برضه واد حريف
وابن هذا البلد
فى البرد او فى الصيف
تلاقينى عندى جلد
لا اعرف اعيش مكروه
ولا حتى بكره حد
تنده تلاقينى
معاك فى وقت الجد
الكلمه عندى السيف
واعرف اصون العهد
بالحق عمرى ما احيد
واوفى كمان بالوعد
مش برضه دى جدعنه
ولا دا رغى كلام
الاصل فيه معدنه
يظهر مع الايام
وانت كمان واد جدع
ليه تكون اسى
قليل حلال مش جشع
تكون على راسى
ياما ناس قلوبها حجر
تحت التراب راحت
ياريت نفوق يا بشر
التوبه ما فاتت
ياريت نفوق يا بشر
التوبه ما فاتت
=========
ليست هناك تعليقات:
إرسال تعليق