رساله من قلب اتظلم
ا كتب ياقلم وقول عالندم
وعلى الضمير ال فينا اتعدم
اصرخ ونوح على قلب مجروح
وعلى طفل بريء مليان بالالم
عن شعب سوريا عن حلب
ليه العرب شعب اغترب
كنا دول فى دوله واحده
واتفرقنا بجرة قلم
بصرخ فيكم باعلى صوت
ليه طفل بريء يموت
وكلنا عايشين فى امان
ولا حد سامع لينا صوت
رساله وجايه على بابى
من طفلى واغالى احبابى
يقول انا ال اتولد
وعارف اخرى ترابى
لايوم لعبت ولا يوم فرحت
لما اتولدت فى ايدى حجر
ادافع بيه على كل عيلتى
واصرخ باعلى صوت فى البشر
انا طفل مولد شهيد
انا معرفتش مره عيد
بمد ايدى بالسلام
مدولى اديكم واكون سعيد
حسسونى بالامان عرفونى بالامل
عيشونى فى يوم سلام
لوحتى بجرة قلم
اكتب ياقلمى ومتخفش
بلاد الخوف متسكنش
انا ال فيا نار بتقيد
وف كل يوم طفل شهيد
ازاى اكون حاسس امان
وف حلب النار بتقيد
احنا ايد واحده وقلب
احنا مش مليون شعب
احنا واحد زى محنا
بس ليه منقومش ليه
منكنش ضد العنف
ومنخففش ابدا الم
اكتب ياقلم وقول عالندم
وعلى امل فى بلد اتعدم
عن كل يوم شهيد فى
جزء من بلاد العرب
عالخراب وعالدمار
عن صغير مضروب بنار
عن جروح الآم مرار
ببعت رساله لكل واحد
قلبه يسيع كل البشر
انا طفل من سوريا رسالتى بالامل
مكتوبه انى القى فيكم صوت
يصحى من تانى العروبه
لطفل لعم لشيخ لأم تبات
الليل على امرى مغلوبه
انا ال رسالتى ليكم
بدمى ودم اخويا كمان مكتوبه
وقلب ام مليها الالم
اكتب ياقلم وقول عالندم وعالاحساس ال فينا اتعدم
بقلم / صفاء شوقي
ليست هناك تعليقات:
إرسال تعليق