مش راح اسيبه بقلم عوني هشام

مش راح اسيبه
=========
وحِياتى وعينى
ما هسيبه
قلبك وانا عارف
الاعيبه

عمال يلعب وبيتلاعب
وبنظره عين
انا راح اجيبه

الخد جميل
بالخطوة يميل
لو كات بالميل
مش راح اسيبه

الرمش كحيل
والشعر طويل
سهرنى الليل
فى الحب وعيشنى لهيبه

لو كنت ف سيرك
انا ليك غاوى
تمشى على السلك
انا بيك حاوى

تقرا الفنجان
وتحضر جان
طب ماأنا عفريت
برضه مخاوى

وحياتى وعينى
ما اسيبه

تكتب اشعار
ومشاعرى ف نار
لو عقلى احتار
مش راح اسيبه

تعزف الحان
بالعود وكمان
راح اغنى واقول
اصلى حبيبه

تهجرنى
اهجر ما انا عرفك
ف دقيقه بترجع لمعارفك
قلبك بيدق بالحانى
ماهو قدرى وبرضه انا نصيبه
وحياتى وعينى
ماراح اسيبه
=========
‫#‏عونى_هشام‬
الفكره ماخوزه من قصيده للاستاذ مصطفى تيسير