كل القلوب مستخسرة بقلم الشاعر الاستاذ ناصر عبد المقصود

كل القلوب مستخسرة
تبقى فى حياتك منظرة
الكل يتمنى الرضــــــا
يا أم العيون السـكرة
أجمل ما فيك ضحكتك
طارحـــة عليا فرحتك
وأتمنى ارســـم سكتك
وابقى فى حياتك عنترة
وأضحك على كل البشر
وأفرح بقلبى اللى انتصر
وأخدك من ايدك وافتخر
وأصرخ أخدت الجوهرة
والكل فى عينيه الحسد
ويقولوا فاز بيها الأسد
ياللى جمالك ما اتوجد
إلا فى حور الآخـــرة
بعشق ملامحك وأعشقك
يا أم العيون السكرة
الشاعر / ناصر عبد المقصود