كتبت حروفي بإحساس كل أم فقدت ابنها بسبب الحرب؛باللهجة المحكية:
* رجولة*
غمض عيونك خلي الحلا يفوح
عجبين مندى عشق طعم الرجولة
حبات تراب تحضن وجه
بالورد محفوف
عالهدا تخاف تجرحه
حبات تراب صرخت للسما
تفتح بوابا؛هيدا عريس حلف بصوت مبحوح
بلدي إلي وكل شبر منه
عطر بالورد يفوح
حلوة قامت تعجن عالسكت
ذكريات وأفكارها تجي وتروح
قلبا شعل قلبا طار يمكن جن
مش عارفة شو صار
كل ماريحتك بين ضلوعها تفوح
هيدي أمك أم الحلا أم الغلا أم الرجولة؛؛اسم الله قالت
لما صورتك شافت
وقلبا بوجع ملامحك ضاع
يمكن خوف يمكن شوق يمكن وجع٠٠بيبقى وجع أم
هدهدت بصوت الله
وريقها من الوجع خاف
والندي عم يبوس جبينها
ومتل غزل عيونها ماشاف
هدهدت بصوت الله
يلا ينام يلا ينام
لأمسكلك طير الحمام
روح ياحمام لاتصدق
غفي حبيبي بالسما
وعلى وطن فيه رجال متله
عيب عليك تخاف
#نيفين شقيرة
ليست هناك تعليقات:
إرسال تعليق