أنا العراق .. بقلم الشاعرة .. شيماء العكيلي

شعر شعبي بقلمي شيماء العكيلي

أنا عراقي

أنا عراقي وأفتخر
وحب الوطن لي
عنوان
اجود بالروح وأعتبرهه
أزهد الأثمان
الشهامه والرجوله
والغيره
سطرتهن أمي بيه
قبل ما أشد الحزام
جانت تصيح يومه
أرضك عرضك
ولتخليها تنداس
لو تركتها للأنجاس
ماراح يوم ينرفعلك
راس
خلي هامتك مرفوعه
ولتنكسه مادامت
لي على الأرض
أنفاس
راحت أمي وحجيه
شلته على الراس
تاج أفتخر بيه
وصار هو مقياس
بدنيتي بدونه
أبد ما أنقاس
واليوم أجه يوم
الفعل
كلنا أنتفضنا بدون
أحساس
كلوبنا مشت قبلنا
للواجب
نريد أنكس راية
الأنجاس
وندوس بالرجل على أفعالهم
الي صارت لاتنحجي ولا
تنكال
ونخليهم عبره لكل الأزمان
أموت أني ويجي غيري
بالميات
لأن كلنا أولاد الوطن
والعراقيين الأبطال
 والأسود بس هي
الي تنجب السباع
انا عراقي وأفتخر
والشهاده وسامي
ونيشاني
أقدمه لتراب الوطن
هديه وقربان