يااا امى ***
______
انا جيت اكلم عن امى
اللى هيه مش زاى كل الامهات
لا ...انا جيت اكلم عن امى اللى
هيه راجل ايوه راجل بكل معنى
ممكن ان يخطر ببال
مش حقول حضن دافى ,
مش حقول دمع وافى
مش حقول ينبوع حنان ,
مش حقول كانت بتسهر
مش حقول كانت بتفنى نفسها
زاى شمعه بتنور حياه
كل ده مكانش حاجه فى اسطوره
عاشت بتروى من فكرها
فى ابتسام بكل شموخ واعتزاز ..
امى كانت احلى واحه فيها كل المبهارات
اول ما وعيت عليها كانت
بتغزل من الدموع الف عقد ..
بلمسه من ايدها يتحول سعاده
يااا جمال الاشراقات ..
كانت بتخلق من كل شيئ
مالو فايده حاجه جامده
تبهر كل المتطلعات..
كانت لما الدنيا تقفل
تفتح لنا الف باب ..
كانت لاتعرف مستحيل
ولا تعجز عن حل المشكلات..
لما الفقر دق بابنا وقفت له امى بالثبات
كانت بتعمل من الميه طبخه حلوة
ناكل ونشبع ونهدى منها للجيران..
كانت لما الخوف يقرب علينا
ترس لينا ,يضلل علينا
كانت بتجهل ان ليها حق خالص
كانت بتعمل كل حاجه من فطره طاهره
كانت مسميه نفسها شجره ام الدعى
كنت اسمعها بتدعى ربها وهيه واقفه
وهيه قاعده ,لبنت الجيران
لكل صاحب معوذه فى المحيطين كمان ..
كنت بستعجب لها كانت بتدعى
وهى بتغسل فى الثياب ..
كانت وربى بتدعى وهيه نايمه
كانت عامله مع ربها لغه يستحيل وصفها
كانت سرها يعطر الف قبر بالسواك
كنا بنصغر قدام سموها
وكانت بتترفع عن كل المديح
كانت للهم بتجهز قبل الهم
مايصبح فصيح ,بتجهز حلول معجزات ..
كانت احلامها امانى لينا ,عايشه بينا
كانت لما تبكى اشم رايحه المسك بتعطر مكان ..
ولما تضحك تعزف الدنيا لينا اجمل لحن بكل اللغات ..
اول لما فكرت فى نفسها
كان حلمها تؤدى فريضه ربها
وحتى وهيه فى حجها كانت مثال للعطاء
كانت بتجمع فى حجرها كل شنطه
فاضيه علشان توفر دراهم معدودات ..
لايمكن انسي وهى بتهمس باذنى باحلى البشارات
يابنى روح راضيه عنك حققت لى كل الامنيات ..
من ساعتها وانا بلاقى فى كل شده
دعوة امى بتحل كل المعضلات..
فى التعبد ركزت كل اهتمامها
حفظت فى كتاب ربها دون علم بالحروف ..بالقراءه.. بالكتابه
شوفتوا همه مثلها اسطورة زمانها من سكات ..
لما رحلت باتت الدنيا سواد
فقدت كل المبهجات
اصبحت العيشه حسبه ايوه حسبه
مفيهاش اى معجزات
بكتب لك ياامى بدمع عينى
بفتكر كل مواقفك
بيرتوى من احلى ذكريات ..
______________عصام عباس
ليست هناك تعليقات:
إرسال تعليق