أنا طفل عربي بقلم أمير عبد الحميد

أنا طفل عربى
-------------
بقايا رماد وميض ونار
انا اسمى ايه
انا اسمي شرار
وجى من ارض الاحرار
رافع فى ايدي الف شعار
انا طفل عربى انا ليا قرار
-------------------
انا كنت شاطر م الشطار
بعيش حياتى ليل ونهار
قلبى ابيض كلى عمار
اجرى والعب واحنا صغار
-----------------
كان كل هدفى ابنى ديار
وازرع ارضى واجنى ثمار
واعيش بين ناسي اهل وجار
ولا يفرق ببنا حدود وجدار
-------------------
واشم نسيمى عطور و ازهار
نخيل وخضرة ورود اشجار
اصلى فروضى من غير اعزار
وانام ف بلادى ولا اخاف اخطار
------------------------
ايه حصل لى وشو ايه صار
صارت حياتى جحيم ومرار
عايش طفولتى تحت حصار
ماسك سلاحى ما ابغى فرار
----------------------
اقصف اى عدو جبار
واحرس ارضى بكل اصرار
مالى حيلة وشو اختار
فاكرنى ابكى واسيب الدار
---------------------
ولا ارمى اخواتى ف التيار
ولا اترك ابويا ف الاعصار
وامى دموعها كتير تحتار
وحكامى سابونى ولا اخذوا التار
-------------------
انا طفل اه لكن غدار
مع اعدائي ما ابدى هزار
أشطر أى عدو مكار
يضرب ارضى يثير اضرار
انا طفل عربى وليا قرار
------------------
جى من ارض الاحرار
انا اسمى ايه
انا اسمى شرار
----------------------
بقايا رماد وميض نار
انا اسمى ايه
انا اسمى شرار
وجى من ارض الاحرار
رافع ف ايدى الف شعار
انا طفل عربى وليا قرار